Monday, February 14, 2005

உங்க வலைப்பதிவில இருக்கா பன்ச்லைன்?

நம்ம பத்ரி அண்மையில ஜெயிச்சாரே, சிறந்த தமிழ் வலைப்பதிவுன்னு 'Indibloggies 2004 award', அதில இன்னொரு பிரிவு என்னை ரொம்பவே கவர்ந்துச்சு.

அதாவது இந்திய ஆங்கில வலைப்பதிவுகளில நச்சுனு ஒரு 'பன்ச்லைன்' இருக்கிற வலைப்பதிவு யாருதுன்னு.

இதில ஜெயிச்சவர் ரவிகிரண் அப்படிங்கறவர். அவரோட வலைப்பதிவோட பன்ச்லைன் என்னா தெரியுமா?

"இது, நான் யதார்த்தத்தைத் துன்புறுத்தி, அது தானாகவே முன்வந்து உண்மையை ஒப்புக் கொள்ள வைக்கும் இடம்.."

போட்டியில இருந்த இன்னொருத்தர் கிங்ஸ்லி. எனக்கு என்னமோ அவரோட பன்ச்லைன்கள் (ஆமா, அடிக்கடி மாத்திகினே இருப்பார்) தான் ரொம்பப் பிடிச்சிருந்தது. இதோ சாம்பிளுக்கு சில:

"நான் உண்மையிலேயே வலைப்பதிவாளன் இல்லை, சும்மா இணையத்தில மட்டும் அப்படி நடிச்சுக்கிட்டு இருக்கேன்"

"டி.என்.ஏ டெஸ்ட் மூலம் குற்றமற்றவன் என்று நிரூபிக்கப்பட்டவன்"

"உங்களுக்கு நண்பர்கள் வேண்டுமென்றால் விலைக்கு வாங்கிக் கொள்ளுங்கள். நான் உங்களை இலவசமாகவே வெறுக்கிறேன்."

"நல்ல நிலைமைக்குப் போகவேண்டுமானால் என்னை ஏன் பின் தொடர்கிறீர்கள்? நானும் உங்களைப் போல் தொலைந்த ஒருவனே!"

"அவர்கள் உங்களைச் சுடுகிறார்கள் என்றால், நீங்கள் ஏதோ சரியாகச் செய்கிறீர்கள் என்று தான் அர்த்தம்."

"உங்கள் வாழ்க்கையின் சர்வாதிகாரியாகப் பொறுப்பேற்க நான் மறுக்கிறேன். தயவு செய்து வற்புறுத்தாதீர்கள்."


இப்போது ரவிகிரண் ஜெயித்ததில் கடுப்பாகி, தனது பன்ச்லைனை இப்படி மாற்றியுள்ளார்:

"இது நான் பன்ச்லைன்களைத் துன்புறுத்தி அவை ரவிகிரணுடைய பன்ச்லைனை விட நல்லாயிருக்குமாறு செய்யும் இடம்."

இப்ப இதை என்னாத்துக்கு சொல்ல வந்தேன்னா, நம்ம தமிழ் வலைப்பதிவுகள் உலகத்திலயும் இப்படி அழகழகான பன்ச்லைன் இல்லாமயா இருக்கும் அப்படின்னு ஒரு நெனப்பு வந்துச்சு. நாங்களே கூட மேல்Kind-ல ஒரு பன்ச்லைன் வச்சிருக்கோம் - "தி.மு.: பேச்சுலர், தி.பி.: பேச்சிலர்" அப்படின்னு.

அதனால தொறந்தேன் தமிழ்மணத்தை. பண்ணினேன் ஆராய்ச்சியை. அகழ்வாராய்ச்சியின் பலனாக, தமிழ் வலைப்பதிவுகள் உலகத்திலிருந்து எனக்குப் பிடித்தமான பன்ச்லைன்கள் கீழே:

அஜீவன் - சிப்பிக்குள் முத்தாய் சிறைப்பட்டுக் கிடப்பதை விட, சுதந்திரமாக, உப்பாகி, நீரோடு கரைவதே மேல்...

அகரவலை - மனவெளித் துளிகளும் சில மதிவழிப் பதிவுகளும்

கறுப்பி - கனவுகளில் வாழ்பவளின் தளமிது

கதவு - ....வந்து எட்டிப் பாருங்கள்

ஓடை - தமிழ் நதியின் சிறுகிளை

முகவரி - தொலைந்து போனேனென்று நினைத்திருந்தேன்... இதுதான் என் முகவரி என்று தெரியாமல்...

இதுவும் கடந்து போகும் - விழுந்ததும்... எழுந்ததும்... விழுந்தெழுந்ததில் தெரிந்ததும்...

என் மூக்கு - கருத்துக்கள் மூக்கைப் போன்றவை. எல்லோருக்கும் இருக்கும், எல்லாமே மணக்கும்

சுந்தரவடிவேல் - காட்சியும், கனவும், எழுத்தும்

பினாத்தல்கள் - "அனுபவச் சிதறல்கள்" அப்படின்னு எழுத ஆசைதான்.. மனசுக்குள்ளே அடங்குடா மவனேன்னு குரல் கேக்குதே!!

E(n)-முரசு - சக்தி யென்ற மதுவையுண் போமடா! தாளங்கொட்டித் திசைகள் அதிரவே.

தோழியர் - யாதுமாகி நின்றாய்!

ம்.. - விட்டு விடுதலையாகி நிற்போம்...

இருக்கிறது*இல்லை - குப்பனுக்குக் குவாண்டம் இயற்பியல். மியாவ்!

மழை - சின்னச் சின்ன அழகான தருணங்கள்

2 Comments:

Blogger Moorthi said...

நானுந்தான் மீனாச்சு. "மணம் கமழும் இந்த பூஞ்சோலையில்" அப்படின்னு ஆரம்பிச்சு எய்தி வெச்சிருந்தேன். அப்பாலிக்கா எனக்கே அது ரொம்ப ஓவர்னு தோணிச்சு. கடாசிட்டேன். சொல்லிட்டீங்கல்ல.. இனிமே நல்ல நல்ல பஞ்சு லைனா போட்டு கலக்கிடலாம். எனக்குப் பிடித்த பஞ்சு லைனின் சொந்தக்காரர் அஜீவன் அண்ணாதேங்.

February 15, 2005 12:26 AM  
Blogger Shankar said...

இருக்கிறது*இல்லை-ஆ? அப்படீன்னா என்னா?

February 15, 2005 10:12 AM  

Post a Comment

<< Home